科技 連接 生活
一年一度嘅 Apple Back to School 開學優惠今日正式開始啦！由即日起直到 2021 年 9 月 27 日，合資格嘅師生可以用教育優惠價購買 Apple 產品，如果購買 Mac 或者 iPad Pro / iPad Air，Apple 仲會送你 AirPods，更加可以加錢換購 AirPods Pro，亦都可用享有 AppleCare+ 服務計劃八折優惠。
另外，翻新產品以及「按原樣」出售的開箱退貨商品均不符合本優惠的條件。分期付款優惠亦都唔可以同 Back to School 購物推廣優惠一併使用。
Link: Apple Back to School 2021 / Apple Back to School 2021 T&C
HKT The Club 最新推出 Club Wellbeing app！The Club 會員可以透過 Club Wellbeing app 記錄每日步行數據，從而賺取 Club 積分。只要每日輕鬆步行達 5,000 步，就可以每日獲得 50 Club 積分，最高可賺 1,500 Club 積分。然後就可去 Club Shopping 用 Club 積分盡情購物！
K1 爸爸相信好多爸爸媽媽係準備BB出世嘅時候都會買好多BB用品，買衫呀、奶樽呀、等等… 好多人都仍然會買蒸汽機嚟消毒奶樽，但係K1 爸爸想同各位準父母講，買UV消毒機啦！
點解一部千幾二千蚊嘅UV消毒機會比傳統嘅蒸奶樽機好呢？因為佢同消毒蒸奶煲比較，UV消毒機唔需要加水，只需要將已清潔的奶樽放入機內，按下按鈕即可消毒烘乾，超級方便！而且消毒烘乾之後，你唔需要打開櫃門，直接儲存BB用品在機內，保持衛生乾淨。
房委會係今日公佈咗 2020 年度居屋將會以六折出售將會出售，今次發售既有鑽石山「啟翔苑」、馬鞍山「錦駿苑」、火炭「彩禾苑」以及粉嶺「山麗苑」，總數達7,047伙，係復售居屋以來最多既一次。
四大屋苑都各有特色，鑽石山「啟翔苑」係鑽石山旁邊，交通配套以及生活所需都最成熟，但都係最貴，樓王502呎單位賣489萬元；而馬鞍山「錦駿苑」高層有海景兼且鄰近大水坑馬鐵站，雖然近公路有車聲困擾，但都係K1爸爸心水之一 (妹豬媽媽: 抽中先講啦 -_-“) ；火炭「彩禾苑」位置係檢疫中心駿洋邨旁邊，距離火炭站十零分鐘路程，最好既地方係可以即買即住；最後粉嶺「山麗苑」配套薄弱、位置最遠，要接駁巴士入去大約20分鐘車程，但入場價最平，最平賣117萬元。
K1爸爸尋日就係房委會網頁用電子方式申請咗，有少少心得同大家SHARE吓：
