[生活] 居屋2020申請注意事項(6折出售)

房委會係今日公佈咗 2020 年度居屋將會以六折出售將會出售，今次發售既有鑽石山「啟翔苑」、馬鞍山「錦駿苑」、火炭「彩禾苑」以及粉嶺「山麗苑」，總數達7,047伙，係復售居屋以來最多既一次。

四大屋苑都各有特色，鑽石山「啟翔苑」係鑽石山旁邊，交通配套以及生活所需都最成熟，但都係最貴，樓王502呎單位賣489萬元；而馬鞍山「錦駿苑」高層有海景兼且鄰近大水坑馬鐵站，雖然近公路有車聲困擾，但都係K1爸爸心水之一 (妹豬媽媽: 抽中先講啦 -_-“) ；火炭「彩禾苑」位置係檢疫中心駿洋邨旁邊，距離火炭站十零分鐘路程，最好既地方係可以即買即住；最後粉嶺「山麗苑」配套薄弱、位置最遠，要接駁巴士入去大約20分鐘車程，但入場價最平，最平賣117萬元。

K1爸爸尋日就係房委會網頁用電子方式申請咗，有少少心得同大家SHARE吓：

1. 綠表和白表的申請人可以於9月10日上午8時至10月7日晚上7時期間提交申請。
2. 你可以只申請居屋2020 式者連同白居二一齊申請。
3. 網上申請有45分鐘比你輸入資料，中途你可以輸入電子郵件用黎儲存，但係要記得個密碼啊。
4. 最好準備好所有家人既證件資料，唔駛再搵黎搵去。
5. 預先計算好家庭總入息以及資產，你唔需要提交文件但最好先計清楚。
6. 準備好你既信用卡(VISA、Mastercard、JCB或Union Pay銀聯)，申請所需費用會即時收取。
7. 申請之後你會收到第一個電郵確認你既申請，但係用黎攪珠既「申請編號」就會係第二個電郵入面，大家留意住有冇跌咗入垃圾郵件啦。

Link: 房委會 https://hos.housingauthority.gov.hk/mini-site/hos2020/tc/index.html