小米手環 5 就喺香港推出咗一段時間，香港推出嘅版本就係冇 NFC 嘅普通版，香港版就賣 $239，K1爸爸都係小米10週年用優惠卷入左手!
[更新開箱影片: https://youtu.be/GxhoLHz0WxA]
小米手環 5 今次配備咗一個 1.1 吋 AMOLED 螢幕，顯示面積比上一代多咗 20%，內建多款手錶錶盤，亦都可以加入相片做錶盤。
EVA 新世紀福音戰士 / 初音未來 / 名偵探柯南 / 海綿寶寶等等手環錶面
另外，如果大家想好似我咁用EVA 新世紀福音戰士 / 初音未來 / 名偵探柯南 / 海綿寶寶等等既手環錶面，大家只需要將手機語言轉做「簡體中文」就可以啦，相信係因為版權限制啦。
磁吸式充電
同之前一樣，本體可以同手帶分開，但係今次最大嘅改變係轉用磁吸式黎幫手環充電，唔需要每次拆個本體出黎幫佢充電，整個感覺輕鬆方便好多。
手環功能
小米手環去到第5代，除咗有步數記錄呀、來電/信息提示、睡眠同心率監測之外，仲加入咗 PAI 模式、壓力監測、11種專業運動模式等等嘅模式。
至於睡眠方面亦都加入左快速眼動睡眠，K1爸爸亦都試過戴住訓覺，整體感覺都算準確既﹝中間比妹豬嘈醒冇計到﹞。
更新開箱影片:
總結
今代小米手環 5 擁有更完善既功能，日常身體狀況監控、來電/信息提示以及睡眠運動記錄全部都有。磁吸充電加上超強續航力，充一次電可以用到差不多半個月，充電時間亦都十分短。
資料來源: 小米香港 https://www.mi.com/hk/mi-smart-band-5/
